Sinulog Festival: Garbo Sa Matag Sugbuanon
Pipila na lamang ka adlaw ug atu nang paga sugaton ang tuig 2017. Unang buwan sa tuig mao ang Enero nga mao usab ang kapistahan sa balaang bata nga si Sñr Sto. Niño. Ato na usab makita ang ang hugot nga pag-ampo sa matag Sugbuanon inubanan sa pag-sayaw ug syagit nga Pit Senyor! Ato na usab makita ang mga tawo nga nag gikan sa nagkalain-laing parte sa nasud nga mo tuyo pag-anhi sa Sugbo alang sa ilang debosyon.
Ang maong kapistahan pagasalaugon matag ikaduhang dominggo sa Enero. Sa laing bahin, dili lamang ang syudad sa Sugbo ang naga saulog sa maong selebrasyon kini gilangkupan usab sa lalawigan sa Kabankalan City, Maasin City, Cagayan de Oro, Butuan ug Southern Leyte. Ang maong mga lalawigan adunay laing bersyon sa pagsaulog sa kapistahan sa balaang bata.
Sa dugang bahin, ang kapistahan adunay napulo ka adlaw nga pag Novena ug paga buksan kini ug ginatawag nga "Walk with Jesus". Usa kini ka prosesyon sa sayu sa kabuntagon, diin ang balaang bata ihatud paingon sa Basilica.Ang maong prosesyon nagapakita ug nagpahibalo nga paga sugdan na ang unang Novena.
Samtang ang Simbahan naga atiman sa napulo ka adlaw nga Misa Novena, mga nagkalain-laing kalihukan usab ang mahitabo sulod sa maong napulo ka-adlaw. Adunay indigay sa pag-awit, pag-sayaw ug uban pang mga matang sa panag-indigay.
Usa sa mga pinakadako nga kalihukan mao ang "Sinulog Sa Kabataan:Baranggay and Lalawigan". Mao kini ang higayon kung asa makita nato ang mga pundok sa mga kabataan nga nag gikan sa nagkalain-laing lugar sa Dakabayan ug Lalawigan. Ang maong kalihukan gilakipan kini sa ilang maanyag nga mga Props ug Costumes inubanan sa pagsayaw sa Sinulog dance.
Sa pag-abot sa adlaw nga kapistahan, mao kini ang higayon nga makita nato ang kasadya sa mga Sugbuanon ug sa mga turista nga nibista sa Sugbo. Adunay pagahimoon nga Parada ug Sinulog Street Dancing sa nagkalain-laing contingents. Pagka human sa Grand Parade Day, aduna usab kitay makitang maanyag nga fireworks display nga susama kaanyag sa fireworks display sa Disneyland. Apan, wala pa diha nahuman ang kalipay ug kasadya. Dugang niana adunay mga lain-laing street parties ang mahitabo sa kadalanan.
Sugbuanon, andam na ba ka mo saulog sa kapistahan sa balaang bata ug musyagit ug pinaka kusog nga Pit Senyor!
______________________________
Sa dugang kasayuran, bisitaha ang